Na rok sake...

Kabhi aisa bhi hoga, hum soch na sake
Jise chaaha, uske hum ho na sake
Laakh koshish baavjood aankhein num thin
Rokna tha usko aur khud hi ko na rok sake...

Kal fir...

Kal fir kisi ki yaad taaza ho gai,
Laga aisa jaise zindagi apni zaaya ho gai..
Aayaton ki jageh lete the naam jiska,
Uske liye ab vo puraani baat ho gai...

Love..

Love is giving someone the power to destroy you.. but trusting them not to...

Kya khuda bhi uska tha?...

Manzilein bhi uski thin, raasta bhi uska tha;
Ek hum hi akele they, kafilaa bhi uska tha;
Saath chalne ki soch bhi uski, fir raasta badalne ka faisla bhi uska tha;
Aaj akele hain...dil savaal karta hai...
Log to uske they, ...kya khuda bhi uska tha?

... de di...

Meri chaahat ne use khushi de di,
Badle mein usne mujhe sirf khamoshi de di..
Khuda se dua maangi marne ki,
Lekin usne bhi tadapne ke liye zindagi de di...

Koi baat nahin...

Yehi wafaa ka silaa hai, to koi baat nahi..
Yeh dard tum ne diya hai, to koi baat nahi..
Rakha tha aashiyana-e-dil main chhupa ke tumko,
Woh ghar tumne chhod diya hai to koi baat nahi..
Tum hi ne aaena-e-dil mera banaya tha,
Tum hi ne tod diya hai to koi baat nahi..
Kiski majaal kahe koi mujh ko deewana,
Agar yeh tumne kaha hai to koi baat nahi...

Nishaani

Tum badle, jahaan badla,
Badli nazar zamane ki..
Ye aansu chaar baaqi reh gaye,
Nishani dil lagane ki...

Dil ne...

Ishq ka qasoor nahin, aashiq dil ne maara hai..
Ishq to hai paas mere, dil mera aawara hai..
Ab judai sahi na jaye, maut mujhe gawaara hai..
K ab aa bhi jao, dil ne tumhein pukaara hai...

Inspiration: Alisha's song

Still in love with you...

Sitting alone, thoughts running by fast,
My mind drifts off to think of the past.
That very first moment that our eyes met,
My heart skipped a beat that I’ll never forget.

Our first kiss we shared, stars shining above,
Lips touching at last, hearts falling in love.
I knew from the start that you were “The One,”
The moment we met’s when my life begun.

Together Forever, we always would say,
I can’t understand how that faded away.
Now we’re “just friends,” so far apart,
Yet I can't deny what I feel in my heart.

We care for each other so much, I know,
But I can’t bring myself to let this show...

With all my heart, I wish you knew,
I'm hopelessly still in love with you...

I know things can't be changed now,
I just wish all the happiness to you...

Na jaane kyon...

Kyon rakhun main ab apni kalam mein syahi,
Jab koi arman dil me machalta hi nahin..
Na jaane kyon sabhi shak karte hein mujh par,
Jab koi sukha phool meri kitab mein milta hi nahin..
Kashish to bahaut thi mere pyaar mein magar,
Kya karun wo pathar dil pighalta hi nahin..
Agar khuda mile to us se apna pyaar mangunga,
Par suna hai woh marne se pehle milta hi nahin....

Dosti ho gai...

Dard se dosti ho gayi yaaron..
Zindagi bedard ho gayi yaaron..
Kya hua jo jal gaya aashiyana hamara,
Door tak roshni to ho gayi yaaron....

Ek pal mil jaye...

Gum apne hi hein paraye nahin,
Magar unke liye voh banaye nahin,
Unhe mil jaye humare hisse ki khushiyaan,
Sirf ek pal mil jaaye jab unki yaad sataye nahin...

Voh khat..

Unki yaad mein bahae aansuon se sajaaya tha voh khat..
Aur unhone kaha, k humne kuchh likha hi nahin...

Tadap ke dekh zara...

Tadap ke dekh zara kisi ki chaahat mein,
To pata chale intzaar kya hota hai..
Yuon hi mil jaye gar koi bina tadpe,
To kaise pata chale pyaar kya hota hai...

Ye hai Mangalore meri jaan ;)

M'lore :)
I have already said a lot about the place and now even TIME covers it ;)
http://www.time.com/time/asia/covers/501060619/mangalore.html

And yeah... my office :)

Hum hi honge...

Tumko Chahne wale kam na honge,
Waqt ke saath magar ham na honge,
Apna pyaar chaahe kisi ko bhi dena,
Par teri yaad ke hakdaar humin honge...

Rone laga hai...

Dard ko bhi ab dard hone laga hai
Dard apne zakhmo ko dhone laga hai
Dard ko paaker hum to nahi roye
Dard hamein paaker rone laga hai...

Maalum hai...

Mujhe dard-e-ishq ka maza maalum hai,
Dard-e-dil ki inteha maalum hai,
Zindagi me kabhi muskurane ki dua na dena,
Mujhe pal bhar muskurane ki saza maalum hai...

..ussi se..

aankhon mein aansoo aajaate hein,
phir bhi labon pe hansi rakhni padti hai..
yeh mohabbat bhi kya cheez hai,
jisse pyar karte hein ussi se chhupaani padti hai...

Fariyaad karoge tum...

Dil jo tootega to fariyaad karoge tum,
Hum na rahe to yaad karoge tum,
Aaj toh kehte ho, waqt nahin,
Par ek din mere liye waqt se fariyad karoge tum...

Tenu mil jaave...

Tenu mil jaavey mehak mohabbtan di,
saade hisse gham da jehar hovey..
Tu chumda rahe mukh khushian da,
sade vehre hanjuan di nehar hovey..
Tenu yaad rave na naam saada,
assi bhuleye rabb da kehar hovey..
Tere kadma vich hovey sir saada,
saade mathe tera paar hovey...

Koi baat na hoti...

kudrat ke karishmo mein agar raat na hoti,
khwabon mein bhi unse mulaqat na hoti..
yeh dil hi to hai har gum ki vajah,
yeh dil hi na hota to koi baat na hoti...

Pyaar ki baazi...

raat kya dhali sitaare chale gaye..
gairo se kya gila karein jab apne chale gaye..
jeet to hum bhi sakte the PYAAR ki baazi,
par unhein jitaane ke liye hum haarte chale gaye...

...rehne diya

wo lamhe wo vaadey sab bhula diye,
par saanson mein naam rehne diya..
khat saarey jalaa diye,
par pata uska rehne diya...

Kya kahein...

Khamosh palkon se jo aansu beh aate hein,
Kisey kya kahein k hum kidhar ko jaate hein..
Aaj bhi us mod par khade hein,
Jahan usne kaha k thehro hum abhi aate hein...

Tab tak rahoge yaad...

Tumko bhool jaaun ye naamumkin si baat hai,
Tumko na ho yakeen ye aur baat hai..
Jab tak rahegee saans tab tak rahoge yaad,
Ye saans toot jaye to aur baat hai...

Uska pyaar...

Sabne kaha pyaar ek dard hai
Humne kaha ye dard kabool hai
Sabne kaha is dard ke saath jee nahi paaoge
Humne kaha uske pyaar ke saath marna bhi kabool hai

Ehsaas

Ho sakta hai usne anjane mein hamein rula diya,
Unhone duniya ke kehne pe humko bhula diya..
Hum to waise bhi akele the,
Kya hua gar unhone ehsaas dila diya....